Дәстүрлі садақ атудан Ақтөбе облыстық чемпионаты өтті
28 тамыз, 2024 жыл
5-ші Дүниежүзілік көшпенділер ойындарына қолдау білдіру мақсатында Ақтөбе облыстық «JAUJUREK» дәстүрлі садақ ату федерациясы 2024жылдың 28 тамыз күні Ақтөбе қаласында алғаш рет дәстүрлі садақ атудан ерлер мен әйелдер арасындағы Ақтөбе облыстық чемпионатын өткізді.
Осы жарысты ұйымдастыруға «Адырна» Ақтөбе садақ ату клубы мен «Ақтөбе облысының садақ ату бойынша федерациясы» Қоғамдық Бірлестігі де ат салысты.
Садақ ату — қазақ тарихында ерекше орны бар жауынгерлік өнер болып табылады және салауатты өмір салтын ұстануда адам денсаулығына пайдалылығымен ерекшеленеді. Қазіргі таңда аталған спорт Республика бойынша кеңінен етек жайып келе жатыр.
Осы орайда, Ақтөбе облысы халқының дәстүрлі садақ ату спортына қызығушылығын арттырып, насихаттау, спортшыларды ынталандырып, әрі қарай шеберліктерін шыңдауға қолдау білдіре отырып, облыс мергендері арасында үздіктер анықталды.
Чемпионатқа Ақтөбе қаласынан және аудандардан 30-ға жуық мерген қатысты. Оларға екі нысанада бақ сынау мүмкіндігі берілді яғни «Қалқан» және «Жамбы» нысанасы.
Әр нысана бойынша ерлерге және әйелдерге 1, 2, 3 дәрежелі орын беріліп, жеңімпаздар медаль және дипломмен марапатталды.
Ерлер арасында «Қалқан» нысанасы бойыша
І орын Тахаев Сәкен Ауезханович
ІІ орын Нұрхан Бердібек Ерсайынұлы
ІІІ орын Бекетов Жансерик Мухамедович
Әйелдер арасында «Қалқан» нысанасы бойыша
І орын Арыстанғалиева Гүлжанат Жұмақанқызы
ІІ орын Мұхиадинова Жанар Мұхиадинқызы
ІІІ орын Әленова Сәндігүл Жақсылыққызы
Ерлер арасында «Жамбы» нысанасы бойынша
І орын Бекетов Жансерик Мухамедович
ІІ орын Нұрхан Бердібек Ерсайынұлы
ІІІ орын Елжанов Нұрхан
Әйелдер арасында «Жамбы» нысанасы бойынша
І орын Әленова Сәндігүл Жақсылыққызы
ІІ орын Мұхиадинова Жанар Мұхиадинқызы
ІІІ орын Арыстанғалиева Гүлжанат Жұмақанқызы
«JAUJUREK» дәстүрлі садақ ату федерациясы» қоғамдық бірлестігі президенті: С.Ж. Әленова